Glatt er á hjalla í Grensáskirkju á fimmtudagsmorgnum yfir kaffibollla, meðlæti og góðu spjalli. Næsta samvera er fimmtudaginn 4. maí. 

Fermingar gengu vel í Fossvogsprestakalli og þokkaleg messusókn var í dymbilviku og um páskana.

Aðalsafnaðarfundir Bústaðasóknar og Grensássóknar fara fram sunnudaginn 23. apríl nk. að loknu helgihaldi. Í Grensáskirkju fer aðalsafnaðarfundurinn fram í safnaðarheimilinu að lokinni messu kl. 12:05. Í Bústaðakirkju fer aðalsafnaðarfundurinn fram í safnaðarheimilinu að lokinni messu kl. 14:05. 

Myndlistarsýning nemenda Fjölbrautarskólans við Ármúla fer fram í safnaðarheimili Grensáskirkju. Verið hjartanlega velkomin í Grensáskirkju. 

Kirkjuhúsið-Skálholtsútgáfan opnar á neðri hæð Bústaðakirkju, á morgun, föstudaginn 31. mars. Við bjóðum starfsfólk Kirkjuhússins-Skálholtsútgáfunnar hjartanlega velkomið í húsið. Megi blessun fylgja starfi Kirkjuhússins-Skálholtsútgáfunnar hér á nýjum stað.  

Páskarnir eru ein stærsta hátíð kristinnar kirkju í heiminum. Helgihaldið í Fossvogsprestakalli, Bústaðakirkju og Grensáskirkju, er fjölbreytt, að venju. Auk ferminga sem eru ríkur þáttur í helgihaldinu í kringum páska, á pálmasunnudegi og öðrum degi páska, tekur helgihaldið mið af boðskap daganna. Nánari upplýsingar má sjá á myndinni sem fylgir þessari frétt. Verið hjartanlega velkomin til helgihalds í Fossvogsprestakalli á páskum. 

Mikil ánægja er með samstarf Bústaðakirkju og Tónlistarskólans í Grafarvogi, TónGraf og TónFoss. Samstarfið hófst haustið 2022 og hefur blómstrað í vetur. Þegar hefur verið opnað fyrir skráningar í tónlistarnámið næsta haust. Kynnið ykkur málið á vefsíðu skólans tongraf.is. 

Margt var um manninn og skemmtilegur dagur

Sunnudaginn 19. mars var mikið um að vera í Bústaðakirkju: Barnamessan um morguninn, kynning á Lútherskri hjónahelgi í hádeginu og Maríumessa í tilefni Boðunardags Maríu. 

Kristján Gíslason, Hringfari, heimsótti eldri borgarastarf Bústaðakirkju, miðvikudaginn 15. mars sl. Við þökkum honum innilega fyrir fróðlegt erindi og góða samveru. 

Sunnudaginn 12. mars sl. var boðið upp á fræðslufund um sorg og viðbrögð við missi. Fundurinn fór fram í Grensáskirkju í kjölfar messu og sóttu 40-50 manns fræðsluna.