Troðfull kirkja
Valdimar Guðmundsson og Jónas Þórir léku lög Magnúsar Eiríkssonar á hádegistónleikum í Bleikum október í Bústaðakirkju, í dag. Kirkjan var þéttsetin og stemmningin dásamleg.
Tónleikagestir lögðu margir Ljósinu lið með fjárframlagi og keyptu Bleiku slaufuna, en aðgangur að tónleikunum var ókeypis.
Séra Eva Björk Valdimarsdóttir leiddi bæn í lok tónleikanna.
Við þökkum þeim Valdimari og Jónasi Þóri dásamlega tóna og þökkum tónleikagestum innilega fyrir komuna og stuðninginn við Ljósið.
Strax í kjölfar tónleikana var boðið upp á súpu og brauð í safnaðarheimilinu. Að hádegishressingu lokinni hófst síðan eldriborgarastarfið sem ávallt er í safnaðarheimili Bústaðakirkju á miðvikudögum frá klukkan 13. Umsjón með eldri borgarastarfinu hefur Hólmfríður Ólafsdóttir djákni.